ថ្ងៃទី១៩ ខែវិច្ឆិកា ឆ្នាំ២០២៤ សមាគមបណ្តាញយុវជនកម្ពុជាបានផ្តល់ការគាំទ្រដល់ក្រុមយុវជនក្នុងការរៀបចំកម្មវិធីចែករំលែកស្តីពី៖ “បរិស្ថានស្អាត ការយល់ដឹងពីការប្រែប្រួលអាកាសធាតុ និងសកម្មភាពបណ្តុះកូនឈើ” ដែលរៀបចំឡើងនៅទីតាំងអង្កការ ជេ អេស ស៊ី(JSC)ស្ថិតនៅបន្ទាយព្រាប ខណ្ឌកំបូល រាជធានីភ្នំពេញ។ កម្មវិធីនេះក៏មានអ្នកចូលរួមសរុបចំនួន ២៤នាក់ ស្ត្រី១៥នាក់ ក្រោយពីការយល់ដឹងពីបរិស្ថានស្អាត និងការប្រែប្រួលអាកាសធាតុមក យុវជនក៏បានដល់ពីរបៀបបណ្តុះកូនឈើ និងការទស្សនកិច្ចសិក្សាពីប្រភេទឈើនីមួយៗផងដែរ៕ #CYN #CYNcambodia #EU_CEEJA #P2ACE #YHRD #EnvironmentalJustice

សិក្ខាសាលាពីគ្រោះយោបល់ អំពី ការឈ្វេងយល់ពីការការយល់ដឹងអំពី ក្រមបរិស្ថាននិងធនធានធម្មជាតិ ដែលរៀបចំដោយ ក្រុមយុវជនហាត់ការងារសហគមន៍ និងសមាជិកនៃសមាគមបណ្តាញយុវជនកម្ពុជា។ កម្មវិធីនេះ រៀបចំឡើងកាលពីថ្ងៃទី២ ខែវិច្ឆិកា ឆ្នាំ២០២៤ នៅសណ្ឋាគារមួយក្នុងរាជធានីភ្នំពេញ ដែលមានយុវជនសហគមន៍ សិស្សនិស្សិត ចម្រុះចូលរួមប្រមាណ ២៤នាក់ (ស្រី្ត ១១នាក់)។ សិក្ខាសាលានេះពិភាក្សាដោយផ្ដោតសំខាន់លើការស្វែងយល់របស់យុវជន និងសហគមន៍ លើការយល់ដឹងពីក្រមបរិស្ថាននិងធនធានធម្មជាតិ។ រួមទាំងផ្ដល់ឱកាសដល់សិក្ខាកាមផ្ដល់មតិយោបល់ និងបញ្ចូលគំនិតបន្ថែមលើចំណុចដែលខ្វះចន្លោះដើម្បីកែលម្អលើរបាយការណ៍ស្ទង់មតិនោះផងដែរ ៕ #CYN #CYNcambodia #EU_CEEJA #P2ACE #YHRD #EnvironmentalJustice

នៅថ្ងៃទី២៣ ខែតុលា ឆ្នាំ២០២៤ លោក ហេង គឹមហុង ត្រូវបានអញ្ជើញធ្វើបទអន្តរាគមន៍អំពីការងាររបស់សមាគមបណ្តាញយុវជនកម្ពុជា ក្នុងការពង្រឹងសមត្ថភាពយុវជនក្នុងការការងារធនធានធម្មជាតិ និងជីវៈចម្រុះ នៅក្នុងសិក្ខាសាលាស្តីពីការពង្រឹងសម្ថភាពយុវជនកម្ពុជាក្នុងជំនឿនិងការការពារព្រៃឈើ។ លោក គឹមហុង បានបង្ហាញអំពីការងាររបស់សមាគម ដែលធ្វើការជាមួយយុវជនកម្ពុជា ក្នុងការពារដែនជម្រកសត្វព្រៃព្រៃឡង់ ព្រៃព្រះរការ និងព្រះសង្ឃរុក្ខវ័ន ព្រមទាំងការធ្វើការងារតស៊ូមតិ និងការជំរុញឱ្យមានការអនុវត្តគោលនយោបាយប្រកដោយប្រសិទ្ធិភាព និងការចូលរួមប្រកបដោយបរិយាប័ន្ន។ លោក គឹមហុង បានថ្លែងនៅក្នុងសិក្ខាសាលានេះថា ការពង្រឹងសមត្ថភាព និងការផ្តល់ឱកាសសម្តរាប់ការចូលរួមរបស់យុវជនវិនិយោគដ៏មានប្រសិទ្ធិភាពការការពារបរិស្ថាន និងជីវៈចម្រុះជុំវិញពិភពលោក។ យុវជនគួរតែទទួលបានឱកាសក្នុងការចូលរួមការអភិរក្សជីវៈចម្រុះទាំងនៅក្នុងកម្រិតថ្នាក់ជាតិរួមមានការចូលរួមការពារនិងការគាំទ្រប្រដោយបរិយាប័ន្ន។ ខ្ញុំសង្ឃឹមថា COP16 នឹងធ្វើការតស៊ូមតិឱ្យរដ្ឋសមាជិកបង្កើតឱ្យមានជាប្រព័ន្ធគាំទ្រសម្រាប់ការចូលរួមរបស់យុវជននៅក្នុងការអភិរក្សជីវៈចម្រុះ និងចូលរួមតាមដានការវាយតម្លៃការអនុត្តគោលនយោបាយរដ្ឋ។ បន្ថែមពីនេះ COP16 គួរជំរុញការបង្កើនមូលនិធីសម្រាប់ការគាំទ្រគំនិតផ្តួចផ្តើមរបស់យុវជនជាអទិភាពផងដែរ។ ចំពោះការអនុវត្តរបស់រដ្ឋ សូមរដ្ឋាភិបាលកម្ពុជា បង្កើនតម្លាភាពក្រមខណ្ឌគោលនយោបាយ និងលើកទឹកចិត្តដល់ភាពសកម្មនៃការចូលរួមរបស់យុវជនក្នុងការការពារបរិស្ថាន និងជីវៈចម្រុះ។ ក្នុងនាមជាយុវជន យើងគឺជាផ្នែកមួយនៃដំណោះស្រាយសម្រាប់ថ្ងៃនេះ និងក្លាយជាអ្នកដឹកនាំ ក្នុងការចូលរួមប្រកដោយបរិយាប័ន្នក្នុងការការពារនិងអភិរក្សសម្រាប់មនុស្សជាតិនាថ្ងៃអនាគត។ #CYN #CYNcambodia #EU_CEEJA #P2ACE #YHRD #EnvironmentalJustice

ថ្ងៃទី២២ ខែតុលា ឆ្នាំ២០២៤ បណ្តាញយុវជនសាកលដើម្បីជីវៈចម្រុះបានអញ្ជើញលោក ហេង គឹមហុង ចូលរួមជាវាគ្មិនពិភាក្សាតុមូលលើប្រធានបទស្តីពី “តួនាទីសំខាន់របស់យុវជនក្នុងកិច្ចខិតខំប្រឹងប្រែងការពារបរិស្ថាន និងការកសាងសន្តិភាព”។ ការអភិរក្សជីវៈចម្រុះទាមទារឱ្យមានការសហការប្រកបដោយប្រសិទ្ធភាព និងការអនុវត្តអន្តរាគមន៍ដោយផ្អែកលើការយល់ដឹងស្ថានភាពចម្រុះ។ នៅពេលដែលយុវជនមានការរួមចំណែកយ៉ាងមានប្រសិទ្ធភាពក្នុងការអភិរក្សជីវៈចម្រុះ ដូច្នេះដើម្បីអនុវត្តក្រមខណ្ឌគោលនយោបាយសាកលស្តីពីជីវៈចម្រុះគួនមិញ-ម៉ុងរ៉េអាល់ (KMGBF) អាចធ្វើឱ្យពួកគេមានការប្រឈមនឹងស្ថានភាពមានជម្លោះ និងបរិបទការងារផ្សេងៗគ្នាដែលអាចចួបប្រទះ។ មានករណីជាច្រើន ដែលអាចបង្កើតបានជាការបង្កហានិភ័យនៃគ្រោះថ្នាក់ដល់យុវជន និងការកាត់បន្ថយលទ្ធភាពក្នុងការរួមចំណែកប្រកបដោយប្រសិទ្ធភាពដល់កិច្ចខិតខំប្រឹងប្រែងអភិរក្សសកល។ក្នុងកិច្ចពិភាក្សាតុមូល លោក ហេង គឹមហុង បានលើកឡើងជាទស្សនទាន និងអនុសាសន៍សម្រាប់ការរួមចំណែករបស់យុវជន មាន៖ – ការតស៊ូមតិ និងការអប់រំ៖ យុវជនអាចលើកកម្ពស់ការយល់ដឹងអំពីបញ្ហាកសាងសន្តិភាព និងកាត់បន្ថយទំនាស់នៅក្នុងការការពារធនធានធម្មជាតិ និងអភិរក្សជីវៈចម្រុះ តាមរយៈយុទ្ធនាការច្នៃប្រឌិដ្ឋ សិល្បៈ និងប្រព័ន្ធផ្សព្វផ្សាយសង្គម ដោយជំរុញការគាំទ្រ និងទាក់ទាញការចាប់អារម្មណ៍ចំពោះតម្រូវការនានា។ – ការអប់រំមិត្តភក្តិ និងភាពជាអ្នកដឹកនាំ៖ តាមរយៈការបណ្តុះបណ្តាលមិត្តភក្តិរបស់ពួកគេក្នុងការដោះស្រាយជម្លោះ និងជំនាញចរចា យុវជនអាចបង្កើតផលប៉ះពាល់ ដោយបំពាក់បុគ្គលកាន់តែច្រើនជាមួយនឹងឧបករណ៍ចាំបាច់សម្រាប់ការកាត់បន្ថយទំនាស់។ – ដំណោះស្រាយប្រកបដោយភាពច្នៃប្រឌិដ្ឋ៖ យុវជនតែងតែនាំមកនូវទស្សនថ្មីៗ និងវិធីសាស្រ្តច្នៃប្រឌិដ្ឋក្នុងការដោះស្រាយបញ្ហា។ ដោយលើកទឹកចិត្តពួកគេឱ្យបំផុសគំនិត និងអនុវត្តគំនិតផ្តួចផ្តើមមូលដ្ឋាន សហគមន៍អាចទទួលបានអត្ថប្រយោជន៍ពីគំនិតថ្មីដែលស្របនឹងបរិបទតែមួយគត់របស់ពួកគេ។ ការរំពឹងទុកសម្រាប់ COP-16៖ – ការអនុម័តផែនការសកម្មភាព៖ លទ្ធផលដ៏សំខាន់មួយគឺការអនុម័តផែនការដែលអាចអនុវត្តបានដែលភ្ជាប់ការអភិរក្សជីវៈចម្រុះជាមួយនឹងកិច្ចខិតខំប្រឹងប្រែងកាត់បន្ថយទំនាស់នៅក្នុងការ ការពារធនធានធម្មជាតិ និងអភិរក្សជីវៈចម្រុះ។ ផែនការទាំងនេះគួរតែបង្ហាញពីគោលដៅជាក់លាក់ ពេលវេលាកំណត់ និងការទទួលខុសត្រូវសម្រាប់ការអនុវត្ត។ – យន្តការពង្រឹងសម្រាប់ការត្រួតពិនិត្យ៖ ការបង្កើតយន្តការដ៏រឹងមាំដើម្បីតាមដាន និងវាយតម្លៃផលប៉ះពាល់នៃគំនិតផ្តួចផ្តើមសន្តិភាពទាក់ទងនឹងជីវចម្រុះនឹងចាំបាច់។ នេះអាចរួមបញ្ចូលទាំងសូចនាករដែលវាស់ស្ទង់សុខភាពអេកូឡូស៊ី និងការរួមគ្នាសង្គម ធានាបាននូវគណនេយ្យភាព និងការសម្របខ្លួន។ – បង្កើនការគាំទ្រផ្នែកហិរញ្ញវត្ថុសម្រាប់យុវជន[…]

ពេលនេះសន្នីសីទ COP-16 បានចាប់ផ្តើមធ្វើការជជែកពិភាក្សានៅប្រទេសកូឡំប៊ី។ ចាប់ពីថ្ងៃទី២១ ខែតុលា ដល់ថ្ងៃទី១ ខែវិច្ឆិកា ឆ្នាំ២០២៤ មានអ្នកជំនាញអំពីជីវៈចម្រុះចំនួនប្រហែលជាង១៨០០០នាក់មកពីជុំវិញពិភពលោក បានមកដល់ទីក្រុងកាលី ប្រទេសកូឡំប៊ី ដើម្បីជជែកគ្នាអំពីការអភិរក្សជីវៈចម្រុះ។ COP គឺជាសន្និសីទភាគី របស់អង្គការសហប្រជាជាតិ ដែលជាស្ថាប័នសម្រេចចិត្តកំពូលនៃអនុសញ្ញាស្តីពីជីវៈចម្រុះ។ វាបានរៀបចំតាំងពីឆ្នាំ១៩៩២ រហូតដល់ឆ្នាំ២០២២ ទើបមានការឯកភាពលើការអនុម័តក្រមខណ្ឌគោលនយោបាយជីវៈចម្រុះសាកល គួនមិញ-ម៉ុរេអាល់ នៅក្នុងCOP-15។ នេះជាការរៀបចំសន្នីសីទអង្គការសហប្រជាជាតិស្តីពីជីៈចម្រុះលើកដំបូងដែលបាននឹងកំពុងរៀបចំក្រោមប្រធានបទ សន្តិភាពនិងធម្មជាតិ ក្រោយពីការអនុម័តក្រមខណ្ឌគោលនយោបាយជីវៈចម្រុះសាកល គួនមិញ-ម៉ុរេអាល់ ដែលបានបានអនុម័តនៅក្នុង COP-15 ដែលបានរៀបចំនៅកាណាកាកាលពីឆ្នាំ២០១៥។ សមាជិករដ្ឋពាក់ព័ន្ធ ត្រូវបានរំពឹកទុកថាដាក់បញ្ចូល និងរៀបចំផែនការជាតិរបស់ប្រទេសនីមួយៗ ស្តីពីការអភិរក្សជីវៈចម្រុះផ្សាភ្ជាប់ជាមួយនឹងក្រមខណ្ឌគោលនយោបាយសាកលមួយនេះ។ COP-16 នឹងរៀបចំយន្តការតាមដាន និងការគៀរគរមូលនិធិសម្រាប់ក្របខ័ណ្ឌជីវៈចម្រុះសកល។ COP-16 ក៏នឹងបញ្ចប់ដោយផ្តោតលើកិច្ចសហការប្រតិបត្តិការយន្តការពហុភាគីសម្រាប់ការចែករំលែកអត្ថប្រយោជន៍ដោយយុត្តិធម៌ និងសមធម៌ ពីការប្រើប្រាស់ព័ត៌មានឌីជីថល និងធនធានធម្មជាតិ។ គោលបំណងសំខាន់ៗនៃ COP-16: – ពិនិត្យមើលលើការអនុវត្តក្រមខណ្ឌគោលនយោបាយជីវៈចម្រុះសាកល គួនមិញ-ម៉ុរេអាល់ និងផែនការជាតិរបស់រដ្ឋសមាជិក។ – ការពិនិត្យឡើងវិញនៃការអនុវត្តក្របខ័ណ្ឌថ្មី COP16 នឹងក្លាយជាពេលវេលាដ៏សំខាន់សម្រាប់រដ្ឋាភិបាលក្នុងការពិនិត្យមើលការអនុវត្តក្របខ័ណ្ឌថ្មីតាមរយៈ NBSAPs។ – ការអភិវឌ្ឍក្របខ័ណ្ឌត្រួតពិនិត្យ។ COP16 ត្រូវបានគេរំពឹងថានឹងអភិវឌ្ឍក្របខ័ណ្ឌត្រួតពិនិត្យបន្ថែមទៀត និងបន្តរីកចម្រើនក្នុងការរៀបចំធនធានសម្រាប់ការអនុវត្តក្របខ័ណ្ឌសកល។ – យន្តការពហុភាគីស្តីពីការចែករំលែកផលប្រយោជន៍ដោយយុត្តិធម៌ និងសមធម៌ COP16 គួរតែបញ្ចប់ និងប្រតិបត្តិការយន្តការពហុភាគីសម្រាប់ការចែករំលែកអត្ថប្រយោជន៍ដោយយុត្តិធម៌ និងសមធម៌។ តើសមាគមបណ្តាញយុវជនកម្ពុជា នឹងចូលរួមយ៉ាងដូចម្តេចនៅជាមួយ COP-16? លោក ហេង គឹមហុង កំពុងចូលរួមនៅក្នុងសន្និសីទអង្គការសហប្រជាជាតិស្តីពីការអភិរក្សជីវៈចម្រុះនេះ។[…]

សមាគមបណ្តាញយុវជនកម្ពុជា បានរៀបចំកម្មវិធីបោះជំរំសកម្មជន និងវេទិការៀនសូត្រយុវជនសកម្ម ២០២៤ ក្រោមប្រធានបទ៖ “ការពង្រឹងសិទ្ធិអំណាចយុវជនសកម្ម ដើម្បីលើកកម្ពស់យុត្តិធម៌សង្គមល្អប្រសើរ” ចាប់ពីថ្ងៃទី៩ ដល់ថ្ងៃទី១២ ខែតុលា ឆ្នាំ២០២៤ នៅខេត្តមណ្ឌលគីរី ដែលមានអ្នកចូលរួមសរុបចំនួន ៣៥នាក់ (ស្រី ២៧នាក់ អ្នកស្រលាញ់ភេទដូចគ្នា ១នាក់) ។ កម្មវិធីនេះរៀបចំឡើងក្នុងគោលបំណង ដើម្បីពង្រឹងសមត្ថភាព និងបង្កើតចំណេះដឹងអំពីការចងក្រងបណ្តាញ ការវិភាគបរិបទ និងវិភាគច្បាប់ប្រកបដោយគុណវឌ្ឍក្នុងការតស៊ូមតិប្រកដោយប្រសិទ្ធិភាពសម្រាប់សកម្មជនសង្គម និងអ្នកការពារសិទ្ធិមនុស្សវ័យក្មេង និងដើម្បីបង្កើតលំហចងក្រង ការសហប្រតិបតិ្តការ និងកសាងបណ្តាញចំណោមពលរដ្ឋសកម្ម សមាជិក សកម្មជនសង្គម និងអ្នកការពារសិទ្ធិមនុស្សវ័យក្មេង ដើម្បីឱ្យសំឡេងរបស់ពួកគេ បានដល់អ្នកធ្វើសេចក្តីសម្រេចចិត្តប្រកបដោយបរិយាប័ន្ន ។ សកម្មភាពនេះត្រូវបានអនុវត្តក្រោមការគាំទ្រមូលនិធិដោយទីភ្នាក់ងារអាមេរិក USAID Cambodia អង្គការ​Diakonia Asia និងដៃគូរមូលនិធីដទៃទៀត៕ #CYN #CYNcambodia #EU_CEEJA #P2ACE #YHRD #EnvironmentalJustice

សមាគមបណ្តាញយុវជនកម្ពុជាសូមថ្លែងអំណរគុណដល់អង្គការដៃគូរម្ចាស់​ជំនួយ និងបងប្អូនសមាជិកព្រមទាំងសហស្ថាបនិកសមាគមបណ្តាញយុវជនកម្ពុជាទាំងអស់ដែលបានចូលរួមជាភ្ញៀវកិត្តិយសក្នុងឱកាសគម្រប់ខួប១៥ឆ្នាំនៃការបង្កើតឡើងរបស់សមាគមបណ្តាញយុវនកម្ពុជា សូមជូនពរដល់អង្គការដៃគូ​រម្ចាស់​ជំនួយ និងបង​ប្អូនសមាជិកព្រមទាំងសហស្ថាបនិកសមាគមបណ្តាញយុវជនកម្ពុជាទាំងអស់ជួបតែសំណាងល្អនិងមានសុខភាពល្អបរិបូរដើម្បីបំពេញបេសកកម្មរបស់ខ្លួនបន្តទៀត នេះជា​កម្រងរូបភាពអនុស្សាវរីយ៍នៃការប្រារព្ធខួប១៥ឆ្នាំរបស់សមាគមបណ្តាញយុវនកម្ពុជាដែលបានធ្វើឡើងកាលពីរសៀលថ្ងៃអាទិត្យ ទី១៣ ខែតុលា ឆ្នាំ២០១៤ #CYN #CYNcambodia #EU_CEEJA #P2ACE #YHRD #EnvironmentalJustice

ជម្រាប់សួរ សមាជិក សមាជិកា និងអង្គការដៃគូ នេះជាកម្រស្នាដៃគំនូរឌីជីថល របស់យុវជនដែលបានផ្ញើមកកាន់សមាគមាគមបណ្ដាញយុវជនកម្ពុជា ដើម្បីជាចំណងដៃសម្រាប់ការប្រារព្ធកម្មវិធីខួប ១៥ឆ្នាំ។ សូមសមាជិក សមាជិកា និងអង្គការដៃគូ អញ្ជើញទស្សនាគំនូរឌីជីថល និងអត្ថន័យរបស់យុវជនដែលជាម្ចាស់ស្នាដៃទាំង៤រូបដូចខាងក្រោម៖ – អត្ថន័យនៃគំនូរទី១: ដូចបង្ហាញក្នុងរូបមួយផ្ទាំងនេះ វាបានបង្ហាញពីសកម្មភាពរយះពេល១៥ឆ្នាំកន្លងមករបស់ Cambodia Youth Network-CYN ដែលបានបង្កើតឱកាសឲ្យយុវជនចូលរួមលើកស្ទួយប្រទេស ក្នុងសកម្មភាពដូចជា ការចូលរួមដាំកូនឈើ រើសសំរាម ជិះកង់ បោះតង់ ការបង្កើតសៀវភៅជាដើម។ ដោយក្រុមការងារ CYN និងយុវជនអ្នកស្ម័គ្រចិត្ត បានចូលរួមស្វះស្វែងខិតខំធ្វើការងាររបស់ពួកគេ ទោះបីជាមានការនឿយហត់អស់កម្លាំង ធ្វើការក្រោមកម្តៅថ្ងៃក្តៅ ពួកគាត់បានលះបង់ពេលវេលារបស់ពួកគេចូលរួមធ្វើការជាមួយអ្នកចូលរួមដទៃទៀត សាមគ្គីគ្នាដើម្បីបង្កើតនូវពិភពលោកដ៏ស្រស់ស្អាតថ្មី។ ស្នាដៃគូសដោយ កញ្ញា ថាត រីតា – អត្ថន័យនៃគំនូរទី២ ជាតំណាងឲ្យអង្គការ ឫបណ្ដាញយុវជនកម្ពុជា ក្នុងគោលបំណងបង្រួបបង្រួមពង្រឹង និងកសាងសមត្ថភាព និងផ្ដល់សិទ្ធដល់យុវជន ដោយលើកទឹកចិត្តពួកគេឲ្យចូលរួមក្នុងការ អភិវឌ្ឍន៍ លើកកម្ពស់នីតិរដ្ឋ យុត្តិធម៌សង្គម លទ្ធប្រជាធិបតេយ្យ នៅកម្ពុជា។ រូបភាពនៃយុវជន ដែលឈរជាមួយគ្នាបង្ហាញពីការរីកចម្រើន ឯកភាព និងស្មរតីអនាគតរបស់យុវជន។ ស្នាដៃគូសដោយ លោក សួស ឌីវឌ្ឍនៈ – អត្ថន័យនៃគំនូរទី៣ បង្ហាញពីតម្រូវការការសាមគ្គីគ្នារវាងយុវជននិងយុវវ័យទាំងឡាយណាមិនថាខ្លួននាមជាកូនសិស្សឬអ្នកធ្វេីការទេ,ដេីម្បីអភិវឌ្ឍអនាគតកម្ពុជាយេីងខាងមុខនេះ។ ស្នាដៃគូសដោយ លោក តាំង តិចសុង – អត្ថន័យនៃគំនូរទី៤ នេះយុវជនគាត់ពុំបានបក់ស្រាយអំពីអត្តន័យនោះទេ[…]

កម្មវិធីទស្សនកិច្ចសិក្សាស្តីពី «សិទ្ធិ និងករណីយកិច្ចយុវជន ក្នុងកិច្ចការពារបរិស្ថាន និងធនធានធម្មជាតិ» កាលពីថ្ងៃទី០៥ ដល់ទី០៨ ខែតុលា ឆ្នាំ២០២៤ ក្រុមអតីតយុវជនហាត់ការសហគមន៍ នៃសមាគមបណ្តាញយុវជនកម្ពុជា បានរៀបចំកម្មវិធីទស្សនកិច្ចសិក្សារស្តីពី «សិទ្ធិ និងករណីយកិច្ចយុវជន ក្នុងកិច្ចការពារបរិស្ថាន និងធនធានធម្មជាតិ» នៅក្នុងសហគមន៍តំបន់ការពារធនធានធម្មជាតិ ខេត្តព្រះវិហារ ដោយមានវត្តមានអ្នកចូលរួមសរុបចំនួន២៥នាក់។ តាមរយៈកម្មវិធីទស្សនកិច្ចសិក្សានេះ យុវជនបានយល់ដឹងអំពីសិទ្ធិ និងកាតព្វកិច្ចរបស់ខ្លួននៅក្នុងការចូលរួមការពារបរិស្ថាន និងធនធានធម្មជាតិ តាមរយៈមេរៀនមួយចំនួនដូចជា សិទ្ធជាមូលដ្ឋាននៃសិទ្ធមនុស្ស, សិទ្ធ និងករណីកិច្ចការពារបរិស្ថាន និងធនធានធម្មជាតិ, ក្រមបរិស្ថាន និងធនធានធម្មជាតិ និងការវាយតម្លៃហេតុប៉ះពាល់បរិស្ថាន EIA។ បន្ថែមពីនេះទៀត យុវជនចូលរួមយ៉ាងពេញលេញ និងសកម្ម នៅក្នុងការចូលរួមបញ្ចេញមតិ ការពិភាក្សាក្រុម ការផ្លាស់ប្តូមតិយោបល់គ្នា និងចូលរួមគ្រប់សកម្មភាពដែលយើងបានរៀបចំ និងដឹកនាំ ដែលនេះបានធ្វើឲ្យកម្មវិធីនេះ ដំណើរការទៅបានយ៉ាងរលូន។ ដើម្បី បង្កើននូវចំណេះដឹងរបស់ពួកគេ ការផ្សព្វផ្សាយអំពីតំបន់អេកូទេសចរណ៍ធម្មជាតិ និងវប្បធម៌ជាំពេន ការការពារព្រៃឈើរបស់ប្រជាសហគមន៍ និងចែករំលែកបន្តផងដែរ។ #CYN #CYNcambodia #EU_CEEJA #P2ACE #YHRD #EnvironmentalJustice

សមាគមបណ្តាញយុវជនកម្ពុជា បានរៀបចំវេទិកាយុជនវជនពី “រួមគ្នាកាត់បន្ថយថង់ប្លាសី្ទក ចូលរួមដាំកូនដើមឈើ ដើម្បីជីវិត និងភពផែនដី” នៅថ្ងៃទី៣០ ខែកក្ដដា ឆ្នាំ២០២៤ សមាគមបណ្តាញយុវជនកម្ពុជា បានរៀបចំវេទិការយុវជនស្តីពី “រួមគ្នាការបន្ថាយថង់ផស្ទប្លាសី្ទក ចូលរួមដាំកូនដើមឈើ ដើម្បីជីវិត និងភពផែនដី ” នៅភូមិថាឡាបរិវ៉ាត់ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង។ វេទិការយុវជននេះមានអ្នកចូលរួម ៣១៥នាក់ ស្រ្តី១៧៧នាក់។ កម្មវិធីនេះធ្វើឡើងដើម្បី ពង្រឹងកិច្ចសហការរវាងសិស្សានុសិស្ស លោកគ្រូ អ្នកគ្រូ យុវជន និងសមាគមបណ្ដាញយុវជនកម្ពុជាក្នុងការរូមគ្នាកាត់បន្ថាយការប្រើប្រាស់ថង់ប្លាស្ទីក ងាកមកចូលរួមដាំកូនឈើឡើងវិញ ដើម្បីជីវិត និងភពផែនដី។ ជាលទ្ធផលលោកអភិបាលស្រុកថាឡាបរិវ៉ាត់ និងប្រធានការិយាល័យអប់រំស្រុក មានមតិយ៉ាងមានអត្ថន័យដល់សិស្សានុសិស្ស យុវជន និងសាធារណៈជនងាក់មកចាប់អារម្មណ៏លើការការកាត់បន្ថាយថង់ប្លាសី្ទកនិងមានការចូលរួមថែរក្សា និងការដាំកូនដើមឈើឡើងបន្ថែមពីនេះ អ្នកចូលរួមក៏បានធ្វើការបង្ហាញពីការចូលរួមផ្ដាច់ជ្ញាចិត្តក្នុងការចូលរួមធ្វើកាត់បន្ថាយថង់ប្លាសី្ទកនិងមានការចូលរួមថែរក្សា និងការដាំកូនដើមឈើឡើងបន្ថែម។ #MA #CYNcambodian #Daikonia #Actonaid #P2ACE ប្រភពរូបភាព ខែម ស៊ុនរ៉ា