ប្រធានប្រតិបត្តិ

លោក ហេង គឹមហុង ប្រធានប្រតិបត្តិនៃសមាគមបណ្តាញយុវជនកម្ពុជា ហៅកាត់ថា ប.យ.ក។ លោក គឹមហុង បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ផ្នែកនីតិឯកជន កាលពីឆ្នាំ២០២២ និងមានបទពិសោធន៍ការងាររយៈពេល៨ឆ្នាំជាមួយនឹងអង្គការសង្គមស៊ីវិលលើវិស័យសំខាន់ៗដូចជា អភិបាលកិច្ចល្អ លើកកម្ពស់ការចូលរួមរបស់យុវជន សិទ្ធិមនុស្ស សិទ្ធិបរិស្ថាន យុត្តិធម៌សង្គម និងការចូលរួមរបស់ពលរដ្ឋនៅក្នុងប្រទេសកម្ពុជា។
លោក គឹមហុង បានចាប់ផ្តើមការងារជាមួយនឹងសមាគមបណ្តាញយុវជនកម្ពុជា ចាប់ពីដើមឆ្នាំ២០២១ នៅក្នុងតួនាទីជាប្រធានផ្នែកកម្មវិធីស្រាវជ្រាវនិងតស៊ូមតិ បន្ទាប់មកលោកត្រូវបានបោះឆ្នោតជាប់ជាប្រធានប្រតិបត្តិដោយសមាជលើកទី៤ កាលពីថ្ងៃទី១៧ ខែធ្នូ ឆ្នាំ២០២៣។ លោក គឹមហុង ត្រូវបានមើលឃើញថាមានចំណេះដឹង អំពីភាពជាអ្នកដឹកនាំ ការវិភាគផ្នែកច្បាប់ ការគ្រប់គ្រងវដ្តនៃគម្រោង ការស្រាវជ្រាវ និងជាអ្នកនិពន្ធ។

ប្រធានផ្នែកប្រតិបត្តិការ

លោកស្រី ណយ រតនា

ប្រធានផ្នែកប្រតិបត្តិការ

លោកស្រី ណយ រតនា ជាប្រធានផ្នែកប្រតិបត្តិការ នៃបណ្តាញយុវជនកម្ពុជា (ប.យ.ក)។ លោកស្រីបានចូលរួមការងារជាមួយ ប.យ.ក នៅថ្ងៃទី០១ ខែកក្កដា ឆ្នាំ២០១៩។ លោកស្រីមានតួនាទីជាប្រធានផ្នែកប្រតិបត្តិការរបស់ ប.យ.ក ដែលទទួលខុសត្រូវផ្នែកទូរទៅរួមមាន គ្រប់គ្រងធនធានមនុស្ស ការគ្រប់គ្រងរដ្ឋបាល និងការគ្រប់គ្រងហិរញ្ញវត្ថុ។

លោកស្រី ណយ រតនា ជាប្រធានផ្នែកប្រតិបត្តិការ នៃបណ្តាញយុវជនកម្ពុជា (ប.យ.ក)។ លោកស្រីបានចូលរួមការងារជាមួយ ប.យ.ក នៅថ្ងៃទី០១ ខែកក្កដា ឆ្នាំ២០១៩។ លោកស្រីមានតួនាទីជាប្រធានផ្នែកប្រតិបត្តិការរបស់ ប.យ.ក ដែលទទួលខុសត្រូវផ្នែកទូរទៅរួមមាន គ្រប់គ្រងធនធានមនុស្ស ការគ្រប់គ្រងរដ្ឋបាល និងការគ្រប់គ្រងហិរញ្ញវត្ថុ។

លោកស្រីមានបទពិសោធន៍ ៤ឆ្នាំ ៦ខែ ក្នុងការបម្រើការងារជាអ្នកគណនេយ្យ និងមន្រ្តីហិរញ្ញវត្ថុ នៅក្នុងក្រុមហ៊ុនមួយចំនួននៅក្នុងប្រទេសកម្ពុជា។ លោកស្រីបានបញ្ចប់ការសិក្សា ថ្នាក់បរិញ្ញាបត្រ ផ្នែកគណនេយ្យ នៅសាកលវិទ្យាល័យមេគង្គកម្ពុជា។ បន្ថែមពីនេះទៀត លោកស្រីក៏បានបញ្ចប់វគ្គសិក្សាផ្នែកពន្ធទូទៅ នៅសាលាជាតិពន្ធដារ និងវគ្គបណ្តុះបណ្តាលរៀបចំរបាយការណ៍ហិរញ្ញវត្ថុប្រចាំឆ្នាំ សិក្សាជាមួយបុគ្គលិក និយ័តករគណនេយ្យ និងសវនកម្ម។

បច្ចុប្បន្ន លោកស្រីកំពុងបន្តការសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រងទូទៅ នៅសាកលវិទ្យាល័យជាតិគ្រប់គ្រង។

ប្រធានផ្នែកចងក្រង និងពង្រឹងសិទ្ធិអំណាចយុវជន

ម៉ើ ចាន់ដារ៉ា គឺជាអ្នកធ្វើការងារសង្គម និងអនុវត្តសិទ្ធិវ័យក្មេង ដែលមានបទពិសោធន៍ជាច្រើនឆ្នាំទៅលើការធ្វើការងារជាមួយសហគមន៍ និងយុវជន ដើម្បីធ្វើការគាំទ្រ និងលើកកម្ពស់យុវជន និងសហគមន៍ ក្នុងភាពជាមេដឹកនាំ ការផ្តល់ធាតុចូលសម្រាប់ការធ្វើផែនការយុទ្ធសាស្រ្ត ការកសាងធនធានមនុស្ស និងជាពិសេសទៅលើបញ្ហាសិទ្ធិមនុស្ស និងកិច្ចការពារបរិស្ថាន។ លោកក៏បានដើរតួនាទីយ៉ាងសំខាន់ ក្នុងការជួយស្ថាបនលើការរៃអង្គាសថវិការ បច្ចេកទេសការគ្រប់គ្រង ត្រួតពិនិត្យ និងវាយតម្លៃគម្រោង ការសរសេររបាយការណ៍ទៅកាន់ម្ចាស់ជំនួយ ការកសាងសមត្ថភាពបុគ្គលិក និងការគាំទ្រនូវបច្ចេកទេសផ្សេងៗទៀតផងដែរ ជាពិសេសទៅលើការចងក្រង និងពង្រឹងសិទ្ធិអំណាចរបស់យុវជន។ លោកជឿជាក់យ៉ាងមុតមាំថា តាមរយៈបទពិសោធន៍ ចំណេះ និងជំនាញដែលមាន លោកនឹងយកទៅប្រើប្រាស់សម្រាប់ចូលរួមជាវិភាគទានសម្រាប់រកយុត្តិធម៌ជូនជនរងគ្រោះ និងដើម្បីចូលរួមទាមទារយុត្តិធម៌សង្គមផងដែរ។

ប្រធានផ្នែកស្រាវជ្រាវ និងតស៊ូមតិ

លោក វណ្ណ ប៊ុនណា ជាប្រធានផ្នែកស្រាវជ្រាវ និងតស៊ូមតិនៅសមាគមបណ្តាញយុវជនកម្ពុជា (CYN)។ ជាមួយនឹងបទពិសោធន៍ដ៏គួរឱ្យកត់សម្គាល់នៅក្នុងកិច្ចការ ការពង្រឹងសិទ្ធិអំណាចយុវជន ការអភិវឌ្ឍភាពជាអ្នកដឹកនាំ ការស្រាវជាវ និងការវិភាគនយោបាយ លោកមានតួនាទីយ៉ាងសំខាន់ នៅក្នុងការពង្រឹងនិងលើកកម្ពស់កិច្ចកាស្រាវជ្រាវ និងការតស៊ូមតិរបស់ CYN ។ កន្លងមក លោកធ្លាប់បានដឹកនាំកម្មវិធីនិងគម្រោងពង្រឹងអំណាចយុវជននៅអង្គការតម្លាភាពកម្ពុជា និងអង្គការកម្មវិធីអភិវឌ្ឍន៍ធនធានយុវជន ។ លោកក៏បានបោះពុម្ពផ្សាយ អត្ថបទវិភាគ និងស្រាវជាវ ជាច្រើនទាក់ទងបង្ហាញនយោបាយកម្ពុជា និងកិច្ចការតំបន់ នៅស្ថាប័នសារព័ត៌មានជាតិនិងអន្តរជាតិផងដែរ ។ លើសពីនេះទៅទៀត លោកក៏ជាគ្រូឧទ្ទេសផ្នែកវិទ្យាសាស្ត្រនយោបាយ និងទំនាក់ទំនងអន្តរជាតិ នៅសាកលវិទ្យាល័យមួយចំនួននៅទីក្រុងភ្នំពេញផងដែរ ។ បទពិសោធន៍និងជំនាញទាំងនេះរបស់ លោក ប៊ុនណា មានសារសំខាន់ ក្នុងការរួមចំណែកក្នុងការពង្រីកសម្លេងយុវជន និងការតស៊ូមតិដើម្បីការផ្លាស់ប្តូរជាវិជ្ជមាននៅក្នុងប្រទេសកម្ពុជា ។