ផ្ទៃដីព្រៃឡង់ចំនួន ១០២,៤៣៦ ហិកតា ត្រូវបានបំលែងទៅជាដីកសិកម្ម និងលំនៅដ្ឋានក្នុងរយៈពេល២ទសវត្សរ៍ចុងក្រោយ
១០សីហា ២០២០ – ការសិក្សាមួយដែលធ្វើឡើងដោយ កម្មវិធីបរិស្ថាននៃអង្គការជេស្វីតសឺវិសកម្ពុជា សហការជាមួយ សមាគមបណ្តាញយុវជនកម្ពុជា ទៅលើទិន្នន័យនៃការប្រែប្រួលគម្របព្រៃឈើក្នុងតំបន់ដែនជម្រកសត្វព្រៃព្រៃឡង់ នៅចន្លោះឆ្នាំ២០០០ ដល់ឆ្នាំ២០១៩ រកឃើញថាផ្ទៃដីព្រៃចំនួន ១០២,៤៣៦ហិកតា ត្រូវបានបំលែងទៅជាផ្ទៃដីកសិកម្ម ចំការខ្នាតធំ និង ទៅជាដីលំនៅឋាននៅក្នុងរវាងឆ្នាំខាងលើ។ ចំនួននៃផ្ទៃដីខាងលើនេះគឺមានទំហំប្រមាណ២៤% នៃផ្ទៃដីព្រៃឡង់សរុបដែលនេះជាចំនួនដ៏ច្រើនគួរឲ្យកត់សម្គាល់។
ប្រព័ន្ធក្រិតពត៌មានភូមិសាស្រ្ត (QGIS) ដែលគេប្រើសម្រាប់ការវិភាគទៅលើរូបភាពទីតាំង ដែលត្រូវបានគេថតដោយរូបភាពផ្កាយរណបកំឡុងឆ្នាំ ១៩៩៩, ២០០០, ២០១៨ និងឆ្នាំ២០១៩ (រូបភាពផ្កាយរណប ឡេនសេត ៥ និងឡេនសេត ៨) ដោយកំណត់ទំហំ ៣០ម ពួកយើងបានបង្កើតផែនទី ដោយរកឃើញអំពីការប្រែប្រួលជាមួយនឹងស្ថិតិស្តីពីការបាត់បង់ និងការដុះថ្មីនៃព្រៃឈើ ដោយយោងទៅលើវិសាលភាពព្រៃឈើបច្ចុប្បន្ននៅក្នុងព្រំដែននៃតំបន់ការពារ។ ការសិក្សានេះបានរកឃើញថា៖
-
- ផ្ទៃដីព្រៃចំនួន ១០២,៤៣៦ ហិកតា ដោយរាប់បញ្ជូលដីចំនួន ៥៨,១៣៨ ត្រូវបានបំលែងពីដីព្រៃទៅជាដីចំការ
- ផ្ទៃដីព្រៃដុះថ្មីចំនួន ១,១១១ ហិកតា ដែលនៅក្នុងឆ្នាំ២០០០ មិនមែនជាដីព្រៃក្លាយទៅជាដីដែលមានដើមឈើ (ដីព្រៃ) ក្នុងឆ្នាំ២០១៩
- គម្របព្រៃឈើមានប្រមាណ ៣០២,១០៦ ហិកតា នៅតែរក្សាដដែលរហូតមកដល់ឆ្នាំ២០១៩
ចំការដាំដុះ ឬដំណាំមិនត្រូវបានរាប់បញ្ចូលក្នុងប្រភេទ “ព្រៃឈើ” ទេ។ ទោះបើដោយយោងតាមអង្គការស្បៀងអាហារ និងកសិកម្មពិភពលោករបស់អង្គការសហប្រជាជាតិ រាប់បញ្ចូលចំការដំណាំក្នុងការកំណត់គម្របព្រៃឈើក៏ដោយ ប៉ុន្ដែយើងបានធ្វើការឯកភាពជាមួយស្ថាប័ន ដៃគូជាច្រើនទៀតនៅជុំវិញពិភពលោកលើការ ប្រកាសនិងកំណត់និយមន័យពិតរួមមួយគឺ ព្រៃឈើអាច ព្រៃឈើជួយ គឺជាការទ្រទ្រង់ជីវចម្រុះ រក្សាមុខងារផ្សេងៗក្នុងមានប្រព័ន្ធប្រព័ន្ធអេកូឡូស៊ី និងមានអាចធ្វើនិយ័តកម្មអេកូឡូស៊ី ឬ (ទំនាក់ទំនងទៅវិញទៅមក) ជាមួយសហគមន៍ក្នុងតំបន់ ។
កម្រិតមិនលំអៀងនៃផែនទីលទ្ធិផលនៃការប្រែប្រួលគម្របព្រៃឈើពីការធ្វើចំណាត់ថ្នាក់រូបភាពរបស់ព្រៃឡង់ បានរកឃើញថាវាមានរហូតទៅដល់ ៩៦,៤៣% ជាមួយមេគុណ Kappa ០,៩៥ ដែលអាចផ្តល់ទំនុកចិត្តខ្ពស់បំផុតដល់ការរកឃើញនេះ។
ទន្ទឹមនឹងការរកឃើញនេះស្របជាមួយគ្នានេះដែរ ការសិក្សាមួយនេះក៏មានដែនកំណត់មួយចំនួន ផងដែរគឺរួមមាន៖ ទោះបីជាទិន្នន័យបន្ទាប់បន្សំនេះត្រូវបានគេប្រើប្រាស់សម្រាប់ការបណ្ដុះបណ្ដាល និងការផ្ទៀងផ្ទាត់ធ្វើឲ្យមានសុពលភាពរួមជាមួយនឹងការប្រមូលទិន្នន័យជាក់ស្ដែងដែលទទួលបានតាមរយៈការប្រើប្រាស់ប្រព័ន្ធ ជី ភី អេស (GPS) លើការសិក្សាដើម្បីវាស់ពីគម្របដីក៏ដោយ ប៉ុន្ដែជាមួយនឹងការពិនិត្យលើដីជាក់ស្ដែងត្រូវបានគេធ្វើយ៉ាងទូលំទូលាយដើម្បីធានាថាបញ្ជាក់ថា លទ្ធផលមានកម្រិតទុកចិត្ដខ្ពស់ គឺត្រូវបានធានា និងបង្កើនទំនុកចិត្ដបន្ថែមទៀតទៅលើលទ្ធផលនៃនោះការស្រាវជ្រាវមួយនេះគួរតែបន្ថែម ការផ្ទៀងផ្ទាត់លើទីតាំងជាក់ស្ដែងឲ្យបានទូលំទូលាយបន្ថែមទៀត។ដូចគ្នានេះផងដែរ ការសិក្សាខាងលើធ្វើឡើងរយៈពេលតែពីរដងតែប៉ុណ្ណោះ (ឆ្នាំ២០០០ និង ២០១៩) ហើយព័ត៌មានស្តីពីការប្រែប្រួលដែលបានកើតឡើងនៅចន្លោះឆ្នាំទាំងពីរនោះមិនអាចត្រូវបានផ្តល់ឱ្យឡើយ។
| ការបែងចែកប្រភេទដី | ផ្ទៃដី (ហិកតា) គិតត្រឹមខែមីនាឆ្នាំ ២០០០ |
| ព្រៃឈើ | ៤០៤,៥៤២ |
| ដីមិនមែនព្រៃ (អាចជាដីកសិកម្មដាំដំណាំ ឬដីអត់ជីវជាតិ ឬតំបន់សម្រាប់តាំងទីលំនៅឋានរបស់មនុស្ស និងប្រភពទឹក) | ២៨,៩៣៣ |
| ដីចំការ (តំបន់ដែលមានដើមឈើ ប៉ុន្តែវាមិនបានកើតឡើងដោយធម្មជាតិគឺដោយមនុស្ស ព្រោះមានគម្លាត ឬលំនាំរវាងដើមឈើមិនបានរីកលូតលាស់ដោយចៃដន្យដូចជាអ្វីដែលលេចឡើងតាមធម្មជាតិ) | ០ |
| ទឹក | ២ |
| សរុប | ៤៣៣,៤៧៧ |
| ការបែងចែកប្រភេទដី | ផ្ទៃដី (ហិកតា) គិតត្រឹមខែកុម្ភៈ ឆ្នាំ២០១៩ |
| ព្រៃឈើ | ៣០៣,២១៦ |
| ដីមិនមែនព្រៃ (ដែលមានគម្របជាកសិកម្មដាំសម្រាប់ដំណាំ ឬមានផ្ទៃដីដែលស្ងួត ឬតំបន់សម្រាប់តាំងទីលំនៅឋានរបស់មនុស្ស និងប្រភពទឹក) | ៧២,១២១ |
| ចម្ការ (តំបន់ដែលមានដើមឈើ ប៉ុន្តែវាមិនបានកើតឡើងដោយធម្មជាតិដូចដែលវាត្រូវបានផ្សព្វផ្សាយដោយមនុស្សចាប់តាំងពីមានគម្លាតចាប់តាំងពីមានគម្លាត ឬលំនាំរវាងដើមឈើ ដោយមិនបានរីកលូតលាស់ដោយចៃដន្យដូចជាអ្វីដែលលេចឡើងនៅក្នុងធម្មជាតិ) | 58,138 |
| ទឹក | 2 |
| សរុប | 433,477 |
|
ចំណាត់ថ្នាក់ក្រុមសម្រាប់ការរកឃើញការផ្លាស់ប្តូរគម្របព្រៃឈើ |
ផ្ទៃដី (ហិកតា) គិតត្រឹមខែកុម្ភៈ ឆ្នាំ២០១៩ |
|
ព្រៃឈើ (គ្មានការផ្លាស់ប្តូរ) |
៣០២,១០៥ |
|
ការបម្លែងព្រៃឈើ ទៅជាកសិកម្ម |
៤៤,២៩៨ |
|
ការបម្លែងព្រៃឈើ ទៅជាចំការដាំដុះ |
៥៨,១៣៨ |
|
ដីមិនមែនព្រៃ ទៅជាព្រៃ |
១,១១១ |
|
ដីមិនមែនព្រៃ (គ្មានការផ្លាស់ប្តូរ) |
២៧,៨២៣ |
|
ទឹក (គ្មានការផ្លាស់ប្តូរ) |
២ |
|
សរុប |
៤៣៣,៤៧៧ |
ទំនាក់ទំនងពត៌មានលម្អិតទៅកាន់:
- លោកស្រី លីសល លីម ប្រធានកម្មវិធីអេកូឡូស៊ី នៃកម្មវិធីអេកូឡូស៊ីនៃអង្គការជេស្វីតសឺវិសកម្ពុជា
លេខទំនាក់ទំនង ០៨៦ ២៩១ ២៣៧ អ៊ីម៉ែល៖ jesecam.eco@gmail.com
- លោក ស ម៉ូរី ប្រធានកម្មវិធីស្រាវជ្រាវ និងតស៊ូមតិ នៃសមាគមបណ្តាញយុវជនកម្ពុជា
លេខទំនាក់ទំនង ០១៦ ៩៣០ ៥៨៨ អ៊ីម៉ែល៖ mory@cyncambodia.org